Naio Band 2009 - Jalus nomo. Its Pacific reggae at its Best ! This is Reggae at its nest again with Vanuatu's Top Reggae Band- Naio with 'Jalus nomo“, a track from the July 2009 album release.

Popular reggae band blong vanautu, Naio, hemi stap topem lokol musik chart naoia wetem hit ”Jalusi we oli bin rekodem long Bistaveous Production wetem professional engineer, benson Nako long yia ia. Studio Supavaesa blong Fm107, Gaelle Taufa hemi bin confem long Vanuatu Times se long las wik i kam, fulap kola oli stap requestem singsing ia “Jalusi mo The Ocean“.

Be Jalusi nao hemi singsing we fulap kola oli stap requestem naoia, ”hemi talem“

Hemi wan sekon hiit we i kam aot long latest CDblong olgeta. ”My home“ we oli bn rilisem taem i bin gat Tafea Kanaki MIni Arts Festival long Tanna. Taem DJ Bradz i bin interviewem Jero long launching blong CD ia long FM107, Jero i bin talem se singsing ia hemi baot hao sam taem, sam man or woman i stap luk no gud long nara man. sam taem sam gel o boe oli stap jelus long nara wan from ol samting we oli gat be ol jealous man ino gat. Olsem singsing i stat olsem ”From wenem u luk nogud long mi? Mi luk wan bik klaod long fes blong uu. Mi harem bae yu karem out ol faith blong mi heart ol temtesen,. No meta temtesen i lam tru....

I tru nomo se jelusi hemi wan rabis fason we i save mekem man i hetemol nara man from mani, kros, frens mo ol material samting. Hemi wan fason we i save destryoem ol relationship blong tu man or worman mo i mekem heart blong man i black.

Long Bible oli tok baot jelusi mo hao hemi wan rabis filling mo fason. Singsing blong naoia hemi putum aot wan impoten mesaj iko long everiwan espesili ol fans-spos i gat jealous man, yu no kea long hem, yu mas respektem gud ol man mo famili mo no lukaootem trabol. Heart mo faith blong yu I mas strong oltaem. Fes hit we i bin kamaot long CD ia hemi “Salut' we Jero i bin sing wetem bak up vocal Alcina Garae. Chorus blong singsing is ”salut“ hemi kam long wan taem we umi luk musik blong Naio i stap kam antap long lanwis blong Franis. Hemi wan produk blong Jero we long wan taem i bin promotoem ol French course long Alliance Française long Port Vila.